30 июн 13:57
Янгиликлар

Теннис

Касаткина Rothesay International Open ғолибаси + ФОТО

Теглар : Дарья Касаткина Rothesay International Open

Буюк Британиянинг Истбурн шаҳрида теннис бўйича майса қопламали WTA 500 тоифасига кирувчи турнир якунланди.

Rothesay International Open бош соврини Дарья Касаткинага насиб этди. Дунёнинг 14-ракеткаси бўлиб турган россиялик теннисчи финал учрашувида WTA рейтингида 30-ўринни банд этган канадалик Лейла Фернандесни 6/3, 6/4 ҳисобида мағлубиятга учратди.

Даша 2022 йилдан кейин илк бор WTA совринига эга чиқди. Теннисчиларнинг ўзаро учинчи учрашувида ҳам Касаткина ғалаба қозонди. Бир соату 50 дақиқалик финал баҳсида иккала теннисчи ҳам биттадан эйс зарбасини амалга оширган. Қўшхатолар 5 га 3, брейклар 5 га 2 нисбатида Касаткина фойдасига ҳал бўлди.

Rothesay International Open турниридаги муваффақиятли иштирок Касаткинага 500 рейтинг очкоси ҳамда 142,000 доллар мукофот пули келтирди. Бу унинг фаолиятидаги еттинчи WTA соврини бўлди.