Каспер Рууд Монте-Карло "Мастерс" учинчи даврасида

Норвегиялик теннисчи иккинчи босқич учрашувида ATP рейтингида 31-поғонада бораётган нидерландиялик Ботик ван де Зандшульпни қийинчилик билан мағлуб этди - 7/5, 7/6(1). Рууд ўзаро учрашувларда рақибига 2:3 ҳисобида ютқазмоқда. 

Теннисчилар кортда 2 соату 17 дақиқа давомида ҳаракат қилишган. Каспер Рууд 2, ван де Зандшульп 3 та эйс зарбасини амалга оширган. Қўшхатолар ҳар икки теннисчида ҳам 3 тани ташкил қилган. Норвегиялик 5, нидерландиялик 4 та брейк қайд этган. Энди Каспер Rolex Monte-Carlo Masters турнирининг учинчи босқичида германиялик Ян-Леннард Штруффга қарши кортга чиқади.