Каспер Рууд US Open турниридаги иштирокини якунлади

Норвегиялик теннисчи 1/8 финалда дунёнинг 12-ракеткаси, америкалик Тэйлор Фритцга 6/3, 4/6, 3/6, 2/6 ҳисобида имкониятни бой бериб қўйди. Тэйлор теннисчиларнинг ўзаро учрашувларида илк бор ғалаба қозонди. Бундан аввалги икки баҳсда Рууднинг қўли баланд келган эди.

Икки соату 45 дақиқа давом этган баҳсда Рууд 4, Фритц эса оз эмас, кўп эмас, 23 та эйс зарбасини амалга оширган. Қўшхатолар Касперда кўпроқ бўлди - 8 га 7. Брейклар бўйича устунлик эса ғолиб теннисчи томонида бўлди - 4 га 1! Энди Фритц ярим финал чиптаси учун германиялик Александр Зверевга қарши кортга чиқади.