15 янв 08:17
Янгиликлар

Бокс/ММА

Кайла Харрисон ва Аманда Нуньес жанги бекор қилинди, бунга спортчилардан бирининг жиддий жароҳати сабаб бўлди

Аёллар ўртасида энг енгил вазн тоифасида UFC чемпиони Кайла Харрисон бўйнидаги жароҳати туфайли бразилиялик Аманда Нуньесга қарши жангда иштирок эта олмайди.

Бу ҳақда дастлаб, журналист Лео Гимараэш ижтимоий тармоқдаги саҳифасида хабар берди. Сўнгра UFC ҳам маълумотни тасдиқлади.

Мавжуд маълумотларга кўра, Кайла энди тикланиш учун жарроҳлик амалиётига муҳтож бўлади. У олти ойдан кейин сафга қайтиши кутилмоқда.

Кайла ва Аманда ўртасидаги жанг 25 январь куни Лас-Вегасда ташкил этиладиган UFC 324 мусобақаси доирасида ўтказилиши керак эди.