Келесда каратэ бўйича "Keles Open" халқаро турнири ўтказилди ФОТОГАЛЕРЕЯ

Ўзбекистон Республикаси ёшлар сиёсати ва спорт вазирлиги, Тошкент вилояти ёшлар сиёсати ва спорт бош бошқармаси, Тошкент тумани ҳокимлиги, вилоят каратэ федерацияси ва қатор ҳамкор ташкилотлар кўмагида ўтказилган мусобақада қўшни давлат спортчилари ҳам татамига чиқишди.

Ўзбекистон Республикаси Президентининг 2017 йил 3 июлдаги "Жисмоний тарбия ва оммавий спортни ривожлантириш чора-тадбирлари тўғрисида"ги қарори ҳамда 5 та муҳим ташаббуснинг иккинчи ташаббуси ижросини таъминлаш мақсадида ташкил этилган мазкур мусобақада мамлакатимизнинг барча ҳудудларидан ҳамда қўшни Қозоғистон ва Тожикистон давлатлардан 5 ёшдан 18 ёшгача бўлган 600 нафардан зиёл каратэчилар ғолиблик йўлида баҳс олиб боришди. 

Юқори савияда ташкил этилган мазкур тўртинчи анъанавий мусобақани "Keles Karate" спорт клуби раҳбари, мусобақа бош котиби Дилшод Юсупов ва халқаро тоифадаги ҳакам Санжар Мақсудов бошчилигидаги 30 нафар ҳакамлар бошқариб боришди.

Икки кун давом этган муросасиз беллашувларнинг якуний натижалирга кўра, умумжамоа ҳисобида фахрли биринчи ўринни Тошкент вилояти жамоаси қўлга киритди. Иккинчи ўринни Хоразм вилояти каратэчилари эгаллаган бўлса, учинчи ўринлар Сирдарё ва Наманган вилояти жамоаларига насиб этди.

Барча вазн тоифаларидаги ғолиб ва совриндорлар диплом, медаль ва қимматбаҳо эсдалик совғалари билан тақдирланишди. 

Илҳом РАҲМОНОВ тайёрлади