Кэти Бултер чемпионлик унвонини ҳимоя қилди

Мусобақа бош соврини Кэти Бултерга насиб этди. Британиялик теннис маликаси ўтган йили ҳам турнир чемпиони бўлган эди. Дунёнинг 30-ракеткаси бўлиб келган Бултер финалда рейтингда роппа-роса 50-поғонадан жой олган чехиялик Каролина Плишковани 6/4, 3/6, 6/2 ҳисобида таслим этди. 

Кэти Бултер теннисчиларнинг ўзаро учрашувлари ҳисобида олдинга чиқиб олди - 3:2. Бир соату 56 дақиқа давом этган финал баҳсида Бултер 8, Плишкова 3 та эйс зарбани амалга оширган. Қўшхатолар Каролинада уч баробар кўпроқ бўлди - 7 га 2. Брейклар бўйича устунлик Кэти томонда - 6 га 3. Rothesay Open турниридаги муваффақиятли иштирок Бултерга 35 250 доллар ва 250 рейтинг очкосини тақдим этди.