Киз - Страсбург турнири чемпиони!

Ҳал қилувчи финал учрашувида америкалик теннисчилар ўзаро бош соврин учун кортга чиқишди. Етмиш тўрт дақиқа давом этган финалда WTA рейтингида 16-ўринни эгаллаб турган Мэдисон Киз дунёнинг 12-ракеткаси бўлиб турган ватандоши Даниэль Коллинзни ортиқча қийинчиликсиз мағлубиятга учратди - 6/2, 6/1.

Мэдисон теннисчиларнинг ўзаро учрашувида ҳисобда олдинга чиқиб олди - 2:1. Киз баҳс давомида 1, Коллинз 3 та эйс зарбани амалга оширган. Қўшхатолар Даниэлда кўпроқ бўлди - 5 га 3. Брейклар бўйича мутлақ устунлик чемпион томонда - 6 га 1! 

Internationaux de Strasbourg турниридаги муваффақиятли иштирок Кизга 500 рейтинг очкоси ҳамда 123,480 евро мукофот пули келтирди. Бу 29 ёшли Мэдисон учун фаолиятидаги саккизинчи соврин бўлди.