Конте Клоппга жавоб қайтарди. У "Тоттенхэм"нинг ўйин услуби ёқмаслиги ҳақида гапирганди

Германиялик мураббий аввалроқ "Тоттенхэм"нинг ўйин услуби ёқмаслиги ҳақида гапирганди. Конте эса бунга ўз муносабатини билдирди. 

"Албатта агар ғалабага лойиқ жамоа бўлганида бу "Тоттенхэм" бўларди, "Ливерпуль" эмас. Бу ўйинда Клопп бир очко ишлади, икки очко йўқотгани йўқ. Юрген ақлли, у ўйиндан сўнг ҳафа эди. Биз каби топ-мураббийлар учун ўз жамоамиз қизиқ бўлиши керак, рақиблар эмас. 

Рақибларга эътибор қаратиш, сиз баҳона топишга уринаётганингизни билдиради. Бу эса сизнинг ишингизда барчаси жойида бўлмаганидан даракдир", - деди Конте.