Конья-2021: Шерзод Ташматов тиббий йўналиш бўйича тайёргарлик билан танишди

МОҚ раиси ўринбосари Шерзод Ташматов Қўмита қошидаги Республика спорт тиббиёти илмий-амалий маркази шифокорлари билан бўлажак мусобақага тайёргарлик жараёни бўйича учрашув ўтказди.

Унда мусобақага жўнаб кетадиган шифокорлар ва ишчи гуруҳ таркиби яна бир карра кўриб олинди. Марказ шифокорлари ҳозирда терма жамоаларимиз мусобақадан аввал чуқурлаштирилган тиббий кўрикдан ўтказилаётгани, уларнинг саломатлиги бўйича сўнгги маълумотлар қандайлиги ҳақида умумий ҳисобот беришди.

Мусобақага саноқли кунлар қолгани боис Шерзод Ташматов ҳар бир спортчимизнинг саломатлигига янада катта эътибор қаратиш зарурлигини таъкидлади. Шунингдек, суҳбат давомида Туркияда делегациямиз учун керак бўладиган биринчи тиббий ёрдам воситалари ва бошқа керакли дорилар рўйхатини шакллантириш бўйича ҳам фикр алмашилди.