05 апр 10:50
Янгиликлар

Бокс/ММА

Кореялик Зомбининг навбатдаги рақиби, жанг санаси ва манзили маълум

Ярим енгил вазн тоифасида UFC жангчиси Чен Сон Жон ёки оддий қилиб айтганда Кореялик Зомбининг рақиби маълум бўлди.

Кореялик жангчи 19 июнь куни АҚШнинг Невада штати Лас-Вегас шаҳрида ўтказиладиган UFC Fight Night оқшомида Дэн Игега қарши октагонга кўтарилади.

UFC камарига собиқ даъвогар Чен Сон ҳозирча сўнггиси бўлиб турган жангини ўтган йилнинг октябрь ойида Брайан Ортегага қарши ўтказиб, беш раундда очколар ҳисобига кўра ютқазиб қўйганди. Ундан аввал эса у Ренато Мойкано ва Фрэнки Эдгарларни нокаутга учратган эди.

Дэн Иге эса аксинча, сўнгги жангида Гэвин Такерни 22 сония ичида нокаутга учратганди. Ундан аввал эса AKA зали тарбияланувчиси Келвин Каттарга имкониятни бой берганди. Айни пайтда Кореялик Зомби ва Дэн Иге ярим енгил вазн тоифаси UFC рейтингида мос равишда бешинчи ва саккизинчи ўринларни эгаллаб туришибди.