04 окт 11:03
Янгиликлар

Теннис

Кори Гофф China Open ярим финалига чиқди

Хитой пойтахти Пекин шаҳрида ўтказилаётган теннис бўйича WTA 1000 тоифасига кирувчи турнирда ярим финалчилар аниқланди.

Дунёнинг олтинчи ракеткаси Кори Гофф 1/4 финалда WTA рейтингида 115-поғонада бораётган украиналик Юлия Стародубцевани уч сет натижасига кўра мағлубиятга учратди - 2/6, 6/2, 6/2. Бу теннисчиларнинг ўзаро ўтказган илк учрашуви бўлди.

Бир соату 53 дақиқа давом этган баҳсда иккала теннисчи ҳам 2 тадан эйс зарбасини амага оширган. Гофф 11, Стародубцева эса 1 та қўшхатога йўл қўйди. Брейклар бўйича устунлик америкалик теннисчи томонида бўлди - 5 га 3! Энди Кори China Open 1/2 финалида испаниялик Паула Бадосага қарши кортга чиқади.