Кормье Жонсни ёқтирмаслигини айтди

"Стипени ҳурмат қиламан, лекин Жонс билан жанг унинг учун муваффақиятли ўтади, деб ўйламайман. Бу ажойиб тўқнашув, бу жангни ортиқ кута олмайман. Миочич Жонсни мағлуб эта оладими ёки йўқ, буни билмайман. Жонсни ёқтирмайман, аммо у ҳақиқатан ҳам қандай жанг қилишни билади", - дея Кормьенинг сўзларини келтиради SportsKeeda нашри.

Илгарироқ, Кормьенинг Шон-Шуҳратлар залига киритилгани ва Макгрегорнинг навбатдаги рақиби ҳақида хабар бергандик.

Жонснинг Стипега қарши жанги 30 июль куни, UFC'нинг 277-рақамли турнири доирасида бўлиб ўтиши маълум қилинган эди, бироқ жангнинг расмий карддан ўрин олмагани маълум бўлди. 

Бизга келган маълумотларга кўра, жанг сентябрь ойида ўтказилиши режалаштирилмоқда. Бу Жон учун оғир вазндаги дебют жанг бўлиши кутилмоқда.