07 мар 13:56
Янгиликлар

Бокс/ММА

Козимбек Мардонов АҚШда навбатдаги жангини ўтказди + ФОТО

Супер ўрта вазн тоифасидаги (-76 кг) боксчимиз Козимбек Мардонов проф рингдаги иккинчи жангини ўрта вазн (72 кг)да ўтказди.

АҚШнинг Майами штатида ташкил этилган мазкур оқшомда ҳамюртимизга аргентиналик Абел Николас Адриел (47-23-21-3, 5 КО) рақиблик қилди. 6 раундга мўлжалланган жанг тўлиқ давом этди ва баҳс Козимбек Мардоновнинг ғалабаси билан якунланди.

"Аллоҳга шукур, ғалаба қозондим. Рақиб анчайин тажрибали. Нокаут бўлиши қийин эди ва мен ҳам унга имконият бермадим. Рақибни мураббийларим билан ўрганиб чиққан эдик, шунга қараб машғулотлар ўтказдик. Натижаси яхши бўлди", - деди Мардонов жангдан сўнг мухбиримиз билан суҳбатда.

Эслатиб ўтамиз, Мардонов дебют жангида бошқа бир аргентиналик боксчи Марcэло Рубин Молина устидан 2-раунда нокаут эвазига ғалаба қозонган эди.

Сарвиноз Рахмонқулова тайёрлади