08 мар 11:40
Янгиликлар

Дзюдо

Grand Prix Upper Austria 2025. Бугун ҳам икки дзюдочимизга мухлислик қиламиз

Бугун Австриянинг Линц шаҳрида ўтказилаётган дзюдо бўйича Гран-При туркумига кирувчи турнирнинг иккинчи кунги беллашувларига гувоҳ бўламиз.

Бугунги кун дастуридан ўрин олган ўрта вазн тоифаси вакиллари иштирокидаги баҳсларда икки дзюдочимиз - Мардон Равшанов ва Муроджон Йўлдошев татамига чиқади.

Таъкидлаш жоиз, Муроджон Йўлдошев ўзи учун янги -81 кг вазнда омадини синаб кўради. Ўтган йили Олимпиададан кейин -81 кг вазнда биринчи рақамли дзюдочимиз Шарофиддин Болтабоев фаолиятини якунлаб, мураббийлик карьерасини бошлаганди.

Дзюдочиларимиз учун қуръа натижалари:

-73 кг: Мардон Равшанов - Христос Димитриади (Кипр)

-81 кг: Муроджон Йўлдошев - Иванс Михаловс (Латвия)

Grand Prix Upper Austria 2025 турнирининг иккинчи кунги саралаш беллашувлари бизнинг вақт билан соат 13:30да бошланади.