Жаҳон чемпионатининг иккинчи кунидан сўнг нечанчи ўриндамиз?

Кечаги кун доирасида -73 кг вазн тоифасида юртимиз шарафини ҳимоя қилган Мардон Равшанов терма жамоамизга бронза медалини тақдим этди. Биринчи кунги баҳсларда Муродил Муродиллаев ҳам бронза медалига сазовор бўлган эди. 

Икки кунлик беллашувлар якунига кўра Ўзбекистон терма жамоаси 67 давлат орасида умумжамоа ҳисобида 7-ўринни эгаллаб турибди. Япония терма жамоаси 5 та олтин, 4 та кумуш, 1 та бронза медали билан пешқадамликни мустаҳкамлаб олди. Дзюдо ватани вакилларига ҳеч ким ета олмаслиги деярли ойдинлашди. 

Битта олтин ва кумуш медалга эга Хитой терма жамоаси иккинчи ўринни банд этган бўлса, кеча 1 та олтин ва 1 та бронза медалини қўлга киритган французлар учинчи поғонага кўтарилиб олишди. Биздан аввалги ўринлардан Италия, Тожикистон ва Бразилия терма жамоалари жой олган. Жами 11 та давлат камида биттадан бронза медалига эга бўлиб турибди.