29 янв 15:24
Янгиликлар

Теннис

Крейчикова ва Синякова қаторасига иккинчи йил ҳам Australian Open ғолибалари!

Мельбурн шаҳрида якунига етиб бораётган "Катта Дубулға" туркумига кирувчи Австралия Очиқ чемпионатининг аёллар ўртасидаги жуфтлик баҳсларида ҳам ғолибалар аниқланди.

Тўқсон дақиқа давом этган ҳал қилувчи финал учрашувида чехиялик теннисчилар - Барбора Крейчикова ва Катержина Синякова японияликлар - Шуко Аояма ҳамда Ен Шибахара тандемини мағлубиятга учратишди - 6/4, 6/3.

Эътиборлиси, ушбу жуфтлик ўтган йили ҳам Australian Open турнирида бош совринни қўлга киритишган эди. Крейчикова/Синякова ҳамкорлиги 3 та эйс, 2 та қўшхато ва 4 та брейкни расмийлаштиришди.

Бу уларнинг фаолиятларидаги еттинчи "Катта Дубулға" турнири бош соврини бўлди. Крейчикова ва Синякова 2000 рейтинг очкосин ҳамда 695,000 Австралия доллари миқдоридаги мукофот пулига ҳам эга чиқишди.