09 июл 09:10
Янгиликлар

Бокс/ММА

Крис Варгасдан кечиб, GGGни танлади

Профессионал бокснинг ўрта вазн (72,6 кг) тоифасида WBC, WBA ва IBF йўналишлари чемпиони қозоғистонлик Геннадий Головкин (35-0, 32 КО) ўзининг навбатдаги ҳимоя жангини 10 сентябрь куни ўтказади.

Лекин Лондондаги О2 аренасида унга аввалдан маълум қилинганидек, кичик Крис Юбэнк эмас, балки ярим ўрта вазн тоифаси (66,7 кг)да IBF йўналиши бўйича жаҳон чемпиони Келл Брук (36-0, 25 КО) рақиблик қиладиган бўлди.

Бироз аввал британиялик Келлнинг 66 кгда WBO йўналиши чемпиони Жесси Варгас билан унвонларини бирлаштирувчи жанг ўтказиши хабар қилинган ва хатто шартнома имзолангани ҳам айтилганди. Кутилмаганда у ўзаро битимни бузгани ҳолда янада номдор рақиби GGG томон юриш қилди.