Кубалик волейболчи Россиядан кетмоқда, уни "маймун" деб ҳақорат қилишганди

Бу ҳақида жамоа директори Валентина Огиенко маълумот қилди, унинг кетиши сабаби эълон қилинмаяпти. Волейболчининг ўзи ҳам ижтимоий тармоқдаги саҳифаси орқали мухлисларга мурожаат қилди. 

"Уралочка"га мана шундай буюк клубда ўйнаш имкониятини бергани учун раҳмат, қизларга ҳам биргаликда ўтказган дамларимиз учун, мухлислар қўллаб-қувватлаганлари учун раҳмат. 

Ишончим комил, бу кунларни унутмайман. Бу доимо қалбимда қолади", - деб ёзди кубалик волейболчи. 

Ўтган ҳафтада Монталво Россия чемпионатида кумуш медалга сазовор бўлди. Финал серияси рақиблар бош мураббийи Андрей Воронков сабаб жанжал билан якунланди. 

Мураббий тайм-аутлардан бирида "Нима учун манави маймунни ушлаяпсан?" деган. Монталво эса "Уралочка" сафидаги ягона қора танли волейболчи эди. Воронковнинг ўзи ушбу сўзларига изоҳ бермаган.