12 апр 08:04
Янгиликлар
Теннис
Кудерметова - Volvo Car Open чемпиони!
АҚШнинг Чарльстон шаҳрида ўтказилаётган нуфузли WTA турнири якунланди.
Ҳал қилувчи финал учрашувида россиялик Вероника Кудерметова черногориялик Данка Ковиничга қарши кортга чиқди. Дунёнинг 38-ракеткаси бўлиб турган 23 ёшли Вероника рейтингнинг 91-поғонасидан жой олган 26 ёшли Данкани 6/4, 6/2 ҳисобларида мағлуб этди ва бош совринга эга чиқди.
Бир соату 36 дақиқа давом этган баҳсда Кудерметова 6 та эйс зарбани амалга оширди. Бу унинг фаолиятидаги биринчи соврин бўлди. Volvo Car Open турниридаги муваффақиятли иштирок Кудерметовага 68,570 доллар мукофот пули ҳамда 470 рейтинг очкосини тақдим этди.
Ҳавола :
Манба : gotennis
Фикрлар