21 дек 16:24
Янгиликлар
Кураш
Кураш бўйича “Баркамол авлод-2021” республика финал босқичи якунланди
Бухоро шаҳри мезбонлигида ўтган кураш бўйича “Баркамол авлод-2021” спорт ўйинларининг республика финал босқичи ўз якунига етди.
3 кун давом этган кураш мусобақаларида Республикамизнинг 14 та ҳудудидан ташриф буюрган 230 га яқин курашчилар ғолиблик учун бел олишди.
Ўғил болалар 8 та вазн тоифасида: -55 кг, -60 кг, -66 кг, -73 кг, -81 кг, -90 кг, -100 кг ва +100 кг вазн тоифаларида беллашган бўлса, қизлар 7 та вазн тоифасида: -44 кг, -48 кг, -52 кг, -57 кг, -63 кг, -70 кг, +70 кг вазн тоифаларида курашди.
Муросасиз ва қизғин кечган бахслар якунига кўра, умумжамоа ҳисобида Бухоро вилояти жамоаси фахрли 1-ўринни қўлга киритди. Шохсупанинг иккинчи поғонасини самарқандлик курашчилар забт этган бўлса, 3-ўрин Хоразм вилояти курашчиларига насиб этди.
Ҳавола :
Фикрлар