Кураш федерацияси ҳакамлар ва мураббийлар учун ўқув-амалий семинари ташкил этди ФОТОРЕПОРТАЖ

Унда Қорақалпоғистон Республикаси, Тошкент шаҳри ва барча вилоятлар кураш федерациялари ижрочи директорлари, ҳакамлар ҳайъати раислари, мураббийлар, жами 80 нафардан зиёд иштирокчи қатнашмоқда.  

Семинардан кўзланган асосий мақсад давлатимиз раҳбарининг 2020 йил 4 ноябрдаги “Кураш миллий спорт турини ривожлантириш ва унинг халқаро нуфузини янада ошириш чора-тадбирлари тўғрисида” ги ПҚ-4881-сон қарори ижросини таъминлаш ҳамда мамлакатимизда курашни умумхалқ ҳаракатига айлантириш, оммалаштириш, ривожлантириш, уни дунёга янада кенг танитиш, умумжаҳон дурдонасига айлантиришдир.

Ушбу тарихий қарорда белгиланганидек, соҳани малакали кадрлар, тренерлар ва ҳакамларга бўлган эҳтиёжини инобатга олган ҳолда, уларни тайёрлашга бўлган эътиборни янада кучайтириш.

21 апрелга қадар давом этиши кутилаётган семинарга ташриф буюрган мураббий ва ҳакамлар учун халқаро кураш асосчиси Комил Юсупов амалий машғулотлар ўтадилар. Қоидаларга киритилган атамалар ҳамда курашни еттита усуллари уларни турларга бўлиниши ҳақида маълумотлар берилади.

Шунингдек, федерацияларда ижро интизомини кучайтириш, республикада фаолият олиб бораётган ҳакамлар фаолиятини такомиллаштириш бу орқали кураш мусобақаларини одилона ўтишини таъминлаш, мураббий ва ҳакамларнинг одоб-аҳлоқ масалалари ҳам муҳокама этилди.

Алимурод МАМАДАМИНОВ, ўз мухбиримиз