20 дек 19:52
Янгиликлар
Кураш
Кураш. Ўзбекистон чемпионати якунланди
Хабар берганимиздек, 17-20 декабрь кунлари Жиззах шаҳрида кураш бўйича Ўзбекистон кубоги мусобақалари бўлиб ўтди.
Унда анъанавий тарзда аёллар ва эркаклар яккалик ҳамда жамоавий тарзда ғолиблик учун кураш олиб боришди. Дастлабки кунларда вазн тоифалари бўйича ғолиблар аниқланган бўлса, мусобақанинг сўнгги кунида жамоавий беллашувлар ташкил этилди.
2018 йил Чирчиқда ўтган мусобақаларда бош совринни қўлга киритган Самарқанд вилояти курашчилари бу гал ҳам ғолибликни ўз қўлларида сақлаб қолишди.
Финал беллашувларида Бухоро вилояти полвонларини мағлубиятга учратган Самарқанд вилояти жамоаси Ўзбекистон кубогини қўлга киритди.
Бухоро вилояти вакиллари иккинчи, Тошкент шаҳри жамоаси фахрли учинчи ўринни эгаллади. Ғолибларда кубок, медаль ва дипломлар, қимматбаҳо совғалар топширилди.
Ўзбекистон кураш ассоциацияси матбуот хизмати
Ҳавола :
Фикрлар