05 окт 16:10
Янгиликлар
Кураш
Кураш. Термизда спорт байрами старт олмоқда
Бугун ўн тўртинчи бор ташкил этилаётган кураш бўйича ал Ҳаким ат Термизий хотираси учун анъанавий халқаро турнирга старт берилади.
Турнир доирасида шунингдек, меҳмонлар, барча иштирокчилар дастлаб, буюк аллома ал-Ҳаким ат-Термизий мажмуаларида бўлишиб, зиёратларни амалга оширишди. Мажмуада шунингдек меҳмонларга дастурхон ёзилиб, ўзбек миллий таомларидан бўлган ош тортилди. Қуръон тиловат қилиниб, дуога қўл очишди.
Эслатиб ўтамиз, мазкур халқаро турнирда элликга яқин давлатлардан уч юз нафарга яқин полвонлар иштирок этишмоқда. Мусобақа регламентига кўра эркаклар 55, 66, 73, 81,90, +100 кг. Вазн тоифаларида, аёллар эса 48, 57, 70, +78 кг вазн тоифаларида куч синашишади. Беллашувлар бугун 17:00 "Алпомиш" спорт мажмуасида старт олади.
Маълумот учун, турнирнинг мукофот жамғармаси 100 минг АҚШ долларини ташкил этади.
Илҳом Раҳмонов тайёрлади
Ҳавола :
Манба : olamsport.com
Фикрлар