Курашчилар боғи "Яшил макон"га ҳисса қўшди + ФОТО

Жамиятимизнинг барча соҳа вакиллари ўз номида боғлар ташкил этмоқда. Ўзбекистон Республикаси Президенти соврини учун кураш бўйича World Series Pro халқаро турнири иштирокчилари томонидан ҳам Курашчилар боғи яратилди.

Кўчат экиш тадбирида IKA вице-президенти, Африка Кураш иттифоқи президенти Томас Дункер, IKA Администрацияси раҳбари Мансур Мирзаев, Ўзбекистон Кураш федерацияси вакиллари Бахтиёр Қодиров, Сардор Каримов, Миср, Қирғиз Республикаси, Сингапур, Мексика кураш федерациялари президентлари, IKA ва KCAO техник директорлари, халқаро ҳакамлар, мураббийлар ва курашчилар иштирок этишди.