Курашчилар учун янги вазн тоифаси қўшилади

Сўнгги вақтларда Кураш спортини AIMS аъзолигига қабул қилиш бўйича ижобий келишувга эришилганлиги ва AIMS Президенти Stephan Fox томонидан Кураш вазнларини муқобиллаштириш борасидаги таклифлари инобатга олиниб, кураш бўйича катталар ўртасидаги вазнлар 16 тага етказилади.

- Айни вақтда катталар ўртасидаги вазн тоифалари 15 тани ташкил этади. 7 эркаклар ва 8 та аёллар. Гендер тенглигини таъминлаш бўйича AIMS талаби асосида курашчилар вазнларини қайта кўриб чиқиш талаб этилади, - дейди IKA Президенти. Биз 7 эркаклар ва 7 аёллар жами 14 та вазн қилишимиздан кўра эркаклар вазн тоифасига яна битта вазн қўшишни афзал билмоқдамиз. Чунки бу курашчилар учун иштирок этиш имконини янада оширади.

Йиғилиш давомида IKA вице-президенти Мирабе Илиадес, IKA Бош котиби Муҳаммад Реза Нассирий ва IKA Техник директори Рави Капурлар томонидан бир нечта вариантлар таклиф қилинди.

Якунда мутахассислар -120 кг вазн тоифасида тўхталишди.Бунда 100 кг вазн тоифасидан юқори вазнларда янги вазн жиддий ўзгаришни юзага келтирмаслиги инобатга олинди. 100 кг.дан кам ваз тоифаларида эса бевосита кетма-кетлик ўзгариши мумкинлиги айтилди.

Йиғилишда мазкур масала бўйича Кураш экспертларининг таклифлари олиниб, якуний қарор учун таклифлар ишлаб чиқилиши белгиланди.