Кутилмаган хабар. Каратэ Олимпиада-2024 дастуридан чиқарилди

Ушбу Ёзги олимпия ўйинлари Франция пойтахти Париж шаҳрида бўлиб ўтади. Бу маълумотни шахсан Бутунжаҳон каратэ WKF президенти Антонио Эспиноса ҳам тасдиқлади. 

“Сўнгги йилларда бизнинг спорт туримиз геометрик ўсишга эришди. Лекин биз халқаро олимпия оиласига буни амалда исботлаб бера олмадик. Биз охирги ойларда Франция каратэ федерацияси билан ҳамкорликда 2024 йилги Олимпиада дастурида каратэнинг бўлиши учун курашдик. Барча талабларни бажардик, деб ўйлагандик. Лекин афсуски, бугун бизга шундай нохуш хабарни етказишди: каратэ Париж Олимпиадаси дастуридан чиқарилибди”, - деди Антонио Эспиноса.

Маълумотда келтирилишича, 2024 йилги Париж Олимпиадаси дастурига каратэнинг ўрнига брейк-данс киритилар экан. Агар вазият ижобий томонга ўзгармаса, у ҳолда Япония спорт тури ҳисобланган каратэ WKF бўйича биринчи ва охирги Олимпиада айнан Токиода 2020 йили бўлиб ўтади.