24 июн 16:09
Янгиликлар

Футбол

Ла Лига клублари Европа чемпионатининг грузиялик юлдузига даъвогар

Евро кўплаб ўйинчилар учун витринага айланмоқда.

Испаниянинг икки клубида жорий мавсум "Мец" сафида порлаган грузиялик ҳужумчи Жорж Микаутадзега бўлган қизиқиш ортиб бормоқда. Унинг ҳисобида 12 та гол ва 4 та голли пас бор.

23 ёшли Микаутадзе ўтган йили "Аякс" томонидан 16 млн евро эвазига сотиб олинганди, бироқ мавсумни ижара асосида "Мец"да ўтказди ва у ерда ажойиб натижалар кўрсатди – бу тажриба унга ўзини Европанинг энг истиқболли истеъдодларидан бири сифатида кўрсатишга имкон берди.

"Fichajes" хабарига кўра, футболчининг хизматларига "Атлетико" ва "Бетис" қизиқиш билдирмоқда. Грузиялик ҳужумчининг бошланғич баҳоси 25 млн евро этиб белгиланган. Жуда катта сумма, лекин унинг салоҳияти ва сўнгги ўйинлари билан бу оқлаб кетилади.