Ландо Норрис — мавсум-2025 "Формула-1" чемпиони!

Норрис бугун БАА пойтахтида ўтказилган Абу-Даби Гран-при турнирида учинчи ўринни эгаллади. Бу эса унга умумий рўйхатда мавсум чемпионлигини тақдим этди. Бу билан у Макс Ферстапеннинг тўрт йиллик чемпионлигига чек қўйди. Red Bull пилоти Абу-Даби Гран-приси ғолиби бўлди, аммо умумий рўйхатда Норрисга ета олмади. Ландонинг жаҳон чемпиони бўлиши учун Абу-Даби пойгасида Топ-3`таликка кириши кифоя қиларди.  

Формула-1 2025. 24-боқич, Абу-Даби, БАА

Абу-Даби Гран-приси. Пойга (58 айлана, 306.183 км)

1. Макс Ферстаппен (Red Bull)  1:26:07.469

2. Оскар Пиастри (McLaren) +12.594

3. Ландо Норрис (McLaren) +16.572

Маълумот учун, Ландо Норрис 2019 йилдан буён "Формула-1" пойгаларида иштирок этиб келади. У ўша мавсум "Макларен" сафида Австралия Гран-присида дебют қилганди. 2024 йилда у вице-чемпион бўлган эди.