Лас-Вегасдаги бокс оқшомининг марказий жанги тўлиқ давом этди

Оқшомнинг марказий жангида енгил вазнда WBC чемпиони Дэвин Хэйни (27-0, 15 KO) даъвогар Жозеф Диас (32-2-1, 15 KO)дан камарини ҳимоя қилди. Чемпионлик жанги тўлиқ 12 раунд давом этди ва ғолиб ҳакамлар қарорига кўра аниқланди. 

Дастлабки раундлар мексикалик даъвогар ҳисобига ёзилди. Кейин эса  Хэйни вазиятни ўз назоратига олди. Ўн иккинчи раундда Диас кучли зарба билан рақибини мувозанатдан чиқарди. Аммо, чемпион оёқда тура олди. Якунда ҳакамлар бир овоздан чемпионнинг ғалабасини таъминлашди — 116:112, 117:111, 117:111.

Шу тариқа, Хэйни чемпионлик камарини ҳимоя қилди. Бу вазнда мутлақ жаҳон чемпиони Жорж Камбосос ҳисобланади. У ўтган ҳафта шов-шувли тарзда эндиликда собиқ чемпион Теофимо Лопесни мағлубиятга учратган эди. Катта эҳтимол билан австралиялик чемпион кейинги жангини Хэйнига қарши ўтказади.