Леонардо Бонуччи мавсум охирида футболчилик фаолиятини якунлашини маълум қилди

"Унион" клуби ҳимоячиси Леонардо Бонуччи 2023-2024 йилги мавсум охирида футболчилик фаолиятини якунлашини расман маълум қилди. 

"Менда иккита вариант бор эди – "Лацио" ва "Унион". Мен "Унион"ни танладим, бунга сабаб эса фаолиятимнинг охирги мавсумида бирор янги нарсани синаб кўриш эди. Футболчилик фаолиятимни якунлаганимдан сўнг мураббийликни бошласам керак. Германия интизом ва профессионалликни маромига етказиш учун жуда қулай жой", – дейди Леонардо Бонуччи.

Маълумот учун, Леонардо Бонуччи "Унион" жамоасига шу йилнинг ёзида келиб қўшилганди. Ҳимоячи 12 йил давомида "Ювентус"да фаолият олиб борган. 2017-2018 йилги мавсумни эса футболчи "Милан"да ўтказган эди.