11 янв 12:16
Янгиликлар

Бокс/ММА

Кроуфорд севимли боксчилар Топ-5`лигини эълон қилди

Учта вазн тоифасида мағлубият нималигини билмай фаолиятини якунлаган собиқ мутлақ жаҳон чемпиони Теренс Кроуфорд ўзининг Топ-5 севимли боксчиларини санаб берди.

"Менинг севимли боксчиларим... Муҳаммад Али, Флойд Мейвезер, Шугар Рей Леонард, Рой Жонс ва Пернелл Уитаккер. Яна Андре Уордни ҳам бу рўйхатга қўшаман. Бу боксчиларнинг жангларини мен видео тасмаларда томоша қилишим мумкин эди.

Чунки биз ўша Шугар Рей Робинсон ва бошқа барча буюклар ҳақида гапирганимизда, улар билан фақат бир нечта жанг лавҳаларинигина кўришимиз мумкин. Тушунаман, кўпчилик бу жангчиларни жуда юқори даражага қўяди, лекин улар ҳатто қандай жанг қилишганини ҳам кўришмаган. Улар ҳақида ҳеч нарса кўришмаган, шунчаки ўқишган, эшитишган ва ҳоказо. Биз эса фақат битта жангнинг парчаларини ёки шунга ўхшаш нарсаларни кўриш билан чекланамиз, холос", - дея Кроуфорднинг сўзларини келтиради Ready to Fight портали.