31 дек 15:19
Янгиликлар

Бокс/ММА

Флойд Мейвезер "тўрт қирол"дан энг кучлисини танлади

Америкалик боксчи кичик Флойд Мейвезер зтган асрнинг 80-йилларда бокс классикасига айланган "тўрт қирол" орасидан ўз фаворитини айтди.

Бу тўртликдан "Шугар" Рэй Леонард, Марвин Хаглер, Роберто Дюран ва Томас Хернс ўрин олган.

"Мен Роберто Дюранни танлайман... Дюран, эҳтимол, енгил вазн тоифасида барча даврларнинг энг буюк боксчиси бўлган ва ярим ўрта ва ўрта вазн тоифаларида "тўрт қирол" қаторига кирган", - деди Мейвезер.

Панамалик Роберто Дюран тўртта вазн тоифасида жаҳон чемпиони бўлган. Унинг фаолияти 30 йилдан ортиқ давом этди - 1968 йилда бошланиб, 2001 йилда якунланди.

Дюраннинг якуний статистикаси 119 та профессионал жангда 103 та ғалабани ташкил қилади. Роберто интервьюларидан бирида Флойд Мейвезерни энг юқори чўққисида мағлуб этишини айтган.