09 ноя 11:03
Янгиликлар

Бокс/ММА

LFA 196. Фурқатбек Ёқубов бразилиялик рақибини муддатидан аввал мағлуб этди

Бугун тонгда АҚШнинг Аризона штати, Феникс шаҳридаги "Arizona Financial Theatre" мажмуасида ММА бўйича LFA 196 турнирида ўтказилди.

Ушбу оқшом доирасида ўзбекистонлик аралаш яккакураш устаси Фурқатбек Ёқубов ҳам октагонга кўтарилди. Ҳамюртимиз бразилиялик Флавио де Куейрозни иккинчи раунднинг биринчи дақиқаси ўнинчи сонияси ўтиб бораётган бир паллада нокаутга учратди. Жанг ўта енгил вазн (57 кг) тоифасида ташкил этилди.

Маълумот учун, бугун Фурқатбек Ёқубов ММАдаги 15-ғалабасини қўлга киритди. Ҳисобидаги мағлубиятлари сони 4 талигича қолди. Унинг рақиби Флавио де Куейроз бугун бешинчи мағлубиятини қабул қилиб олди. Ҳисобида 14 та ғалаба бор.