15 июн 12:11
Янгиликлар

Теннис

Libema Open. Наоми Осака 1/4 финалда тўхтатилди

Нидерландиянинг Хертогенбос шаҳрида майса қопламали WTA турнири давом этмоқда.

Дунёнинг 125-ракеткаси бўлиб турган Наоми Осака мусобақанинг 1/2 финал остонасида юришини тўхтатди. Япониялик теннис маликаси 1/4 финал учрашувида WTA рейтингида 228-поғонадан жой олган канадалик Бьянка Андреескуга уч сет натижасига кўра имкониятни бой бериб қўйди - 4/6, 6/3, 6/7(3).

Канадалик теннисчиларнинг ўзаро учрашувларидаги ҳисоб мувозанатини тиклади - 1:1. Икки соату 22 дақиқа давом этган баҳсда Осака 7, Андрееску 3 та эйс зарбасини амалга оширган. Қўшхатолар канадаликда биттага кўпроқ бўлди - 4 га 3. Иккала теннисчи ҳам 3 тадан брейкка эришган. Энди Бьянка Libema Open 1/2 финалида венгриялик Далма Галфига қарши кортга чиқади.