02 ноя 15:26
Янгиликлар

Бокс/ММА

Ломаченко ҳам Тошкентдаги WBC конвенциясига келади

Хабарингиз бор, 12-17 ноябрь кунлари пойтахтимизда профессионал бокснинг WBC ташкилоти ўзининг йиллик конвенциясини ўтказади.

Мазкур нуфузли тадбирга енгил вазн тоифасида украиналик собиқ WBC, WBA, WBO ва IBF йўналишлари чемпиони Василий Ломаченко ҳам ташриф буюради.

Аввалроқ, конвенция доирасида Тошкентга бокс афсоналари Майк Тайсон ва Эвандер Холифилднинг ҳам келиши ҳақида хабар берган эдик.

Маълумот ўрнида, 17 ноябрь куни Тошкентдаги "Ҳумо Арена" мажмуасида катта профессионал бокс оқшоми ташкил этилади. Унда ўзбекистонлик боксчилардан Баҳодир Жалолов, Абдумалик Халоков, Қудратилло Абдуқаҳҳоров, Миразизбек Мирзахалилов ва Мужибилло Турсунов рингга чиқади.