20 июн 14:47
Янгиликлар

Теннис

Лондон (ATP). Карлос Алькарас уч ярим соатлик учрашув ўтказди

Дунёнинг иккинчи ракеткаси Карлос Алькарас Лондонда давом этаётган нуфузли ATP турнирининг чорак финал иштирокчисига айланди.

Испаниялик теннисчи иккинчи даврада рейтингнинг 59-поғонасида бораётган ватандоши Хауме Муньярни уч сет натижасига кўра мағлубиятга учратди - 6/4, 6/7(7), 7/5. Карлос ҳамюртларнинг ўзаро учрашувларидаги устунликни мустаҳкамлади - 3:1.

Уч соату 23 дақиқа давом этган баҳсда Алькарас 9, Муньяр 10 та эйс зарбани амалга оширган. Иккала теннисчи ҳам 8 тадан қўшхатога йўл қўйган. Брейклар бўйича устунлик табиийки, ғолиб теннисчи томонида бўлди.

Алькарас мавсумдаги кетма-кет 15-ғалабасини қўлга киритди. Бу испан учун майса қопламали кортлардаги қаторасига 9-ғалаба ҳам бўлди. Энди у Queen's Club 1/4 финалида Артур Риндеркнешга қарши кортга чиқади. Француз теннисчиси иккинчи босқичда америкалик Райли Опелкани 7/5, 7/6(3) ҳисобида таслим этди.