Лопес қайтмоқда. У Қудратилло Абдуқаҳҳоровни мағлуб этган боксчи билан жанг қилади

Ярим ўрта вазн тоифасидаги америкалик Хосесито Лопес икки йиллик танаффусдан сўнг қайтмоқда.

Лопеснинг рақиби «одамларни майиб қиладиган» лақабли панчер Коди Кровли(20-0, 9 КО) бўлади. У ўтган йилнинг декабрь ойида ҳамюртимиз Қудратилло Абдуқаҳҳоровни мағлуб этгани орқали ўзбек бокси мухлисларига танилганди.

Таниқли инсайдер Майк Копинжернинг таъкидлашича, Лопес-Кровли учрашуви баҳорда Ал Хеймоннинг RBC шоуси доирасида бўлиб ўтади.

Лопес икки марта чемпионлик учун жанг қилган. 2012 йилда -69,9 кг вазнда дивизион етакчиси мексикалик Сауль Альваресга нокаут билан енгилган ва 2019 йилда WBA Super чемпиони Турман билан жангда устунликка эришганига қарамай, ҳакамлар қарори билан мағлуб деб топилган.