Лос-Анжелес-2028 XVIII ёзги Паралимпия ўйинларининг мусобақалар дастури эълон қилинди

"Халқаро Паралимпия қўмитаси (IPC) бошқарув кенгаши 2028 йилда Америка Қўшма Штатларининг Лос-Анжелес шаҳрида ўтказиладиган XVIII ёзги Паралимпия ўйинларининг мусобақалар дастури ва пара спортчилар учун қанча миқдорда йўлланмалар ажратилиши бўйича маълумотномани Миллий Паралимпия қўмиталари эътиборига тақдим қилди.

Аҳамиятлиси, Лос-Анежелесдаги тўрт йилликнинг энг муҳим турнирида Паралимпия ўйинлари тарихидаги энг кўп медаллар жамғармаси ўйналади.

Спорт турларининг янгиланганган рўйхатига кўра, Лос-Анжелес-2028 Паралимпия ўйинларида пара қояни забт этиш спорти бўйича илк бор мусобақалар ўтказилади. Яна бир аҳамиятли томони, бу сафарги ўйинларда аёл спортчилар иштирок этадиган дастурлар сони янада кўпайтирилди. Лос-Анжелес-2028 ёзги Паралимпия ўйинларида эркаклар ўртасида 267 та, аёллар ўртасида 247 та, аралаш жамоавий йўналишда 46 та, жами 560 та дастурда медаллар ўйналади. Дастурлар сони Париж-2024 ёзги Паралимпиадасига нисбатан 11 та кўп эканини ҳам таъкидлаш лозим.

Океан ортида ўтадиган ўйинлар учун ажратилаётган умумий йўлланмалар сони эса ўтган йили Франция мезбонлик қилган ёзги Паралимпия баҳсларидагидан 80 тага кўп эканини кўришимиз мумкин. Лос-Анжелес-2028 ёзги Паралимпия ўйинларида 23 та спорт тури доирасида жами 4480 та квота ажратилади", дейилади МПҚ хабарида.