18 окт 14:01
Янгиликлар

Теннис

M15 Kazan. Санжар Файзиев жуфтлик баҳсларида чемпион бўлди + ФОТО

11-17 октябрь кунлари Россиянинг Қозон шаҳрида ITF таснифига кирувчи теннис турнири бўлиб ўтди.

Мусобақанинг жуфтлик беллашувларида Зимбабве вакили Бенжамин Лок билан тандем ҳосил қилган теннисчимиз Санжар Файзиев финалда кортга чиқди. Беларуслик теннисчилар Александр Жировский/ Александр Леоненко жуфтлигига қарши бош соврин учун кечган баҳс икки сет давом этди.

Финал баҳсида Файзиев/ Лок ҳамкорлиги рақибларини 6/2, 6/1 ҳисобларида мағлуб этиб, чемпионликни қўлга киритди.