13 апр 08:14
Янгиликлар

Таэквондо

Мадинабону Манноповани табриклаймиз!

Бугун таэквондо бўйича Ўзбекистон терма жамоаси аъзоси Мадинабону Маннопова ўз таваллуд айёмини нишонламоқда.

Мадинабону Маннопова 2001 йил 13 апрель куни Тошкент шаҳрида туғилган. Мадинабону ёш бўлишига қарамасдан бир қатор муваффақиятларга эришиб улгурган.

Жумладан, 17 ёшида 2018 йил Индонезияда ўтган Осиё ўйинларида кумуш медални, шу йили Вьетнамда Осиё чемпионатида бронза медалини қўлга киритди. Ҳозирда терма жамоамиз таркибида Токио Олимпиадасига лицензия берувчи мусобақага ҳозирлик кўрмоқда.