02 май 08:52
Янгиликлар

Теннис

Мадрид "Мастерс". Рублёв амалдаги чемпионни ўз ватандошлари кўз ўнгида таслим этди

Дунёнинг учинчи ракеткаси Карлос Алькараз ўз ватанида ўтказилаётган Мадрид "Мастерс" турниридаги иштирокини 1/4 финалда якунлади.

ATP рейтингида саккизинчи ўринни эгаллаб турган россиялик Андрей Рублёв испаниялик номдор рақибини уч сет натижасига кўра мағлуб этишни уддалади - 4/6, 6/3, 6/2. Бу билан Рублёв теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1.

Бир дақиқаси кам икки соат давом этган баҳсда Рублёв 5, Алькараз 1 та эйс зарбасини амалга оширган. Иккала теннисчи ҳам 2 тадан қўшхатога йўл қўйди. Брейклар Андрейда кўпроқ бўлди - 3 га 1. Айнан Алькараз Мадрид "Мастерс" турнирининг амалдаги чемпиони эди.