25 янв 20:06
Янгиликлар

Теннис

Магда Линетт Australian Open 1/2 финалига йўл олди

Мельбурн шаҳрида "Катта Дубулға" туркумига кирувчи Австралия Очиқ чемпионати давом этмоқда.

Australian Open турнирининг аёллар ўртасидаги баҳсларида ярим финалчилар аниқланди. Бироз кутилмаганда дунёнинг 31-ракеткаси, чехиялик Каролина Плишкова WTA рейтингида 45-поғонада бораётган польшалик Магда Линеттга имкониятни бой бериб қўйди - 3/6, 5/7.

Бир дақиқаси кам бир ярим соат давом этган учрашувда Плишкова ҳамда Линетт ҳам 3 тадан эйс зарабсини амалга оширган. Қўшхатолар Каролинада кўпроқ бўлди - 7 га 1. 30 ёшли Магда фаолиятида 30-маротаба "Катта Дубулға" турнирларида иштирок этган бўлса, илк бор ярим финалда ўйнайди. Унинг финал чиптаси учун кечадиган учрашувдаги рақибаси беларуслик Арина Соболенко бўлади.