Мағлубият нималагини билмай келаётган Жойсдан яна бир ғалаба

Оқшомнинг қизиқарли жангларидан бири супероғир вазн тоифасида ўтказилиб, унда мағлубият ва муроса нималигини билмай келаётган британиялик Жо Жойс (14-0, 13 KO) германиялик Кристиан Хаммерга (27-10, 17 KO) қарши рингга кўтарилди. 

Жанг тўртинчи раундда рефери томонидан тўхтатилди. Жо техник нокаут эвазига олмон боксчисини мағлубиятга учратди. Британиялик тўртинчи раундда уч бор рақибини нокдун ҳолатига тушириб қўйганди. 

Шу тариқа, Жойс ўзига тегишли бўлган WBO International ва WBC Silver камарларини муваффақиятли ҳимоя қилди. У 14-ғалабасини тантана қилди. Рақибларини 13 та жангда муддатидан аввал нокаутга учратган. 

Аввалроқ, Жойс WBC чемпиони Тайсон Фьюрини рингга чорлаган эди. Жо айни пайтда WBO рейтингида биринчи, WBC рейтингида эса иккинчи, IBF рейтингида олтинчи ўринни эгаллаб турибди.