Магомед Анкалаев: "Перейра машғулотига таксичиларни таклиф қилибди"

Унда бразилиялик аралаш яккакураш устаси партерга ўтишдан қандай ҳимояланаётганини намойиш этган.

Россияликнинг таъкидлашича, Перейрани партерга туширишга уринаётган олти спарринг-шерикнинг барчаси гавда жиҳатидан ундан яққол кичкина ва камига кураш кўникмаларига ҳам эга эмас.

"Алекс курашда ёрдам беришлари учун лагерга бир неча такси ҳайдовчиларини таклиф қилди. Сен кураш ҳақида қайғуришинг шарт эмас, чунки сенинг катта бошингга яна зарба учиб келади. Курашдан кўра "стойка"га тайёргарлик кўр", деб ёзган Анкалаев ижтимоий тармоқдаги саҳифасида.

Маълумот учун, 4 октябрь куни Лас-Вегасдаги UFC 320 турнирида яримоғир вазн тоифаси чемпиони россиялик Магомед Анкалаев ушбу камарнинг собиқ соҳиби бразилиялик Алекс Перейрага қарши октагонга чиқади. Бу Алекс учун реванш мақомидаги жанг бўлади.