06 июн 16:08
Янгиликлар

Теннис

Makarska Open. Мария Тимофеева 1/2 финалда!

Хорватиянинг Макарска шаҳрида теннис бўйича WTA 125 тоифасига кирувчи "Челленжер" турнири бўлиб ўтмоқда.

Мукофот жамғармаси 115 000 АҚШ долларини ташкил этувчи ушбу мусобақада Ўзбекистоннинг иккинчи ракеткаси Мария Тимофеева ҳам муваффақиятли одимламоқда. Турнирда еттинчи рақам остида таснифланган вакиламиз ярим финал йўлланмасини қўлга киритди.

Мария 1/4 финалда WTA рейтингининг 297-поғонасидан жой олган Ясмин Каббайга қарши кортга чиқди. Бир соату 42 дақиқа давом этган баҳсда Тимофеева рақибасини 7/5, 6/1 ҳисобида мағлубиятга учратди. Иккала теннисчи ҳам учрашув давомида эйс зарбасини амалга ошира билмади. Қўшхатолар вакиламизда кўпроқ бўлди - 4 га 1. Бу теннисчиларнинг ўзаро ўтказган илк учрашуви бўлди.

Таққослаш учун, Мария Тимофеева айни пайтда WTA рейтингида 118-ўринни эгаллаб турибди. Бугун теннисчимиз финал чиптаси учун испаниялик Сара Соррибес Тормога қарши баҳс олиб боради. Сара рейтингда 304-поғонадан жой олган. Учрашув бизнинг вақт билан соат 20:00да бошланади.