Макс Холлоуэй: "Қўлқопсиз жанг - бу дунёдаги энг аҳмоқона нарса"

"Мен ҳеч қачон қўлқопсиз жангларда қатнашмайман - бу дунёдаги энг аҳмоқона нарса. Профессионал спортдан кетсам, ортга ҳеч қачон қайтмайман. Узоғи билан бокс жанги ўтказарман, лекин қуруқ қўл билан эмас, чунки бу шунчаки ақлсизлик. Шапалоқ ёки қўлқопсиз мусобақаларида қатнашадиган биродарлар, сиз шунчаки аҳмоқсиз. Бу шапалоқ билан боғлиқ нарса умуман сийқаси чиққан - нега мен туриб: "Қани, менга ур, кейин мен сенга ураман" дейишим керак. Бу шунчаки сафсата", - деди америкалик аралаш яккакураш устаси ижтимоий тармоқдаги мухлисларнинг саволларига жавоб берар экан.

Маълумот учун, Макс Холлоуэй июль ойида ҳамюрти Дастин Порьени ҳакамларнинг якдил қарори эвазига мағлуб этиб, BMF камарини муваффақиятли ҳимоя қилганди. Унинг навбатдаги рақиби бразилиялик Чарльз Оливейра бўлиши мумкин.