Макс Холлоуэйнинг мураббийи Макгрегор билан трилогия ҳақидаги саволга жавоб берди

Эслатиб ўтамиз, UFC 329 турнирида ирландиялик спортчи жангнинг 69-сониясида ўнг тиззасидан жароҳат олган ва техник нокаут билан мағлуб бўлган эди.

"У биринчи сакраб берилган зарбасини ижро этганида, аввалига “Жин урсин, у шунчаки тойиб кетди шекилли”, деб ўйладим. Кейин яна бир тепди ва яна тойиб йиқилди. Шунда ҳаммаси жиддий эканини тушундим.

Албатта, ғалабадан хурсандман. Аммо бу йиғин бошқача ўтганди. Жуда узоқ вақтдан бери Максни бунчалик диққатини жамлаган ҳолда кўрмагандим. У ажойиб формада эди. Биз бу сафар Конор Макгрегорнинг энг яхши талқинига қарши тайёргарлик кўрдик. Дунёга Макс Холлоуэйнинг энг яхши версиясини намойиш этмоқчи эдик.

Менимча, Конорнинг қайтиши жуда қийин бўлади. Агар тиззаси ҳақиқатан ҳам жиддий шикастланган бўлса, аввал узоқ тикланиш жараёнидан ўтиши, кейин эса ўзига бўлган ишончини қайта тиклаши керак бўлади. Бу камида яна бир йил дегани. Бу жуда оғир синов", — деди Флорес.