29 фев 09:07
Янгиликлар

Теннис

Максим Шин Монастирдаги юришини ғалаба билан бошлади

Туниснинг Монастир шаҳрида теннис бўйича ITF15 тоифасига кирувчи турнир давом этмоқда.

Мукофот жамғармаси 15 000 АҚШ долларини ташкил этувчи ушбу мусобақада ҳамюртимиз Максим Шин ҳам ўз омадини синаб кўряпти. Истеъдодли теннисчимиз илк даврада бурундулик Алан Гатотога қарши кортга чиқиб, рейтинги йўқ рақибини 6/3, 6/3 ҳисобида мағлубиятга учратди.

ATP рейтингида 1452-поғонадан жой олган Шин бугун 1/8 финалда бельгиялик Симон Бюпейнга қарши баҳс олиб боради. Симон ATP рейтингида 748-ўринни эгаллаб турибди.