Мамажонов 19 август куни Нью-Йоркда рингга чиқади, рақиб маълум

Мамажонов мана бир неча йилдирки, АҚШнинг Хьюстон шаҳрида яшаб, ўша ерда машғулот ва жангларини ўтказиб келяпти. Бу сафарги жанг Нью-Йорк шаҳрида ўтказилади. Баҳодир маҳаллий боксчилардан бири Мейсон Менардга қарши рингга кўтарилади.

Мейсон жиддий рақиб бўлиб, фаолияти давомида 32та жанг ўтказган. Ана шу жангларнинг 31тасида ғалаба қозонган. Нокаут эвазига муддатидан аввал эришган ғалабалари сони 23тани ташкил этади. Фақат бир маротаба мағлубият аламини тотиб кўрган.

Баҳодир Мамажонов эса профи рингда 21та жанг ўтказиб, 19 бор ғалабага эришган. Мағлубиятлар сони 2та, аксинча рақибларини 11та жангда муддатидан аввал таслим этган. Ушбу бокс оқшоми учун чиқарилган чипталарнинг энг арзони 35 АҚШ долларидан сотиляпти.