Mangu 2 турнирининг илк жанги эълон қилинди. Фурқатбек Ёқубовни кетма-кет иккинчи мусобақада ҳам кўрамиз (ПОСТЕР)

Ташкилотчилар мусобақа учун илк жангни эълон қилишди.

Маълум бўлишича, 31 ёшли ўзбекистонлик таниқли аралаш яккакураш устаси Фурқатбек Ёқубов (17-4) бу сафар ҳам октагонга чиқади. Ёқубов мусобақа доирасида тожикистонлик Айём Хабиров билан тўқнаш келади. Жанг ўта енгил вазн тоифасида ўтказилади. 

Эслатиб ўтамиз, Фурқатбек Лиганинг илк турнирида ҳам иштирок этиб, бразилиялик Нильдо Насиментони иккинчи раундда нокаутга учратган эди. Айём Хабиров 29 ёшда. У фаолияти давомида ҳозиргача 13 та жанг ўтказиб, 10 та ғалаба ва 3 та мағлубият қайд этган.